Tekshiruvlar davomida:

- 2022-yil 7-noyabr kuni Toshkent viloyati, Yuqorichirchiq tumani, “Uch chinor” MFY hududida xizmat olib borayotgan YPX xodimi S.Qodirov tomonidan “Cobalt” rusumli avtomobil toʻxtatilib, haydovchi, 1990-yilda tugʻilgan B.O.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 109-moddasi bilan ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro B.O. Yuqorichirchiq tumani IIBga topshirilgan.

- 2022-yil 5-noyabr kuni Toshkent viloyati, Ohangaron shahrida xizmat olib borayotgan YPX xodimi D.Joʻrayev tomonidan piyoda, 1979-yilda tugʻilgan R.Z. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 105-moddasi 2-qismi “a” bandi bilan ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro R.Z. Ohangaron shahar IIBga topshirilgan.

- 2022-yil 7-noyabr kuni soat 12:10 larda Toshkent shahar, Chilonzor tumanida xizmat olib borayotgan YPX xodimlari M.Ulashov va D.Timurovlar tomonidan, KXAY koʻchasi boʻylab harakatlanib kelayotgan “Cobalt” rusumli avtomobil toʻxtatilib, yoʻlovchi, 1980-yilda tugʻilgan A.G.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 122-moddasi 1-qismi bilan ayblanib, 2022-yil 22-sentabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro A.G. Chilonzor tumani IIO FMBga topshirilgan.

Yoʻllarda tekshiruvlar davom etmoqda...