YPX xodimlari tomonidan tekshiruvlar davomida:

- 2022-yil 5-avgust kuni soat 23:40 larda, Olmazor tumanida xizmat olib borayotgan YPX xodimlari B.Erkinboyev va J.Ruziqulovlar tomonidan, Farobiy koʻchasi boʻylab harakatlanib kelayotgan “Matiz” rusumli avtomobil toʻxtatilib, haydovchi, 1989-yilda tugʻilgan M.Z.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 276-moddasi 1-qismi bilan ayblanib, 2022-yil 16-iyundan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro M.Z. Olmazor tumani IIO FMBga topshirilgan.

- 2022-yil 5-avgust kuni soat 15:00 larda, Yunusobod tumanida xizmat olib borayotgan YPX xodimlari J.Aripov va B.Nomozovlar tomonidan, A.Donish koʻchasi boʻylab harakatlanib kelayotgan “Cobalt” rusumli avtomobil toʻxtatilib, haydovchi, 1996-yilda tugʻilgan X.X.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro qidiruvda ekanligi maʼlum boʻlgan.

Tegishli hujjatlar rasmiylashtirilib, fuqaro X.X. Yunusobod tumani IIO FMBga topshirilgan.