Tekshiruvlar davomida:

- 2022-yil 2-fevral kuni soat 10:30 larda, Yashnobod tumanida xizmat olib borayotgan YPX xodimi M.Zokirov va N.Axmedovlar tomonidan, Oxangaron shox - Birlashgan koʻchalari kesishgan chorrahada piyoda harakatlanib kelayotgan, 1978-yilda tugʻilgan N.M. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, fuqaro N.M. Oʻzbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 24-noyabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro N.M. Chilonzor tumani IIO FMBga topshirilgan.

- Bugun, 2022-yil 3-fevral kuni soat 11:40 larda, Chilonzor tumanida xizmat olib borayotgan YPX xodimlari D.Yuldashev va F.Kuchkarovlar tomonidan, Bunyodkor koʻchasi boʻylab harakatlanib kelayotgan “Epica” rusumli avtomobil toʻxtatilib, haydovchi, 1971-yilda tugʻilgan N.K.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 3-qismi bilan ayblanib, 2021-yil 18-dekabr kunidan buyon qidiruvdaligi maʼlum boʻlgan.

Mazkur holat yuzasidan tegishi hujjatlar rasmiylashtirilib, fuqaro N.K. Chilonzor tumani IIO FMBga topshirilgan.

Yoʻllarda tekshiruvlar davom etmoqda...