YPX xodimlari tomonidan qidiruvdagi shaxslar aniqlanishida planshet moslamasi oʻz samarasini koʻrsatmoqda:

- 2022-yil 6-iyul kuni soat 07:35 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari F.Saidahmedov va N.Tadjibayevlar tomonidan 1984-yilda tugʻilgan, Surxondaryo viloyati, Sherobod tumanida yashovchi fuqaro P.Q.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 273-moddasi 5-qismi bilan ayblanib, 2021-yil 10-dekabr uknidan buyon qidiruvdaligi aniqlangan.

Tegishli hujjatlar rasmiylashtirilib, fuqaro P.Q. Chilonzor tumani IIO FMBga topshirilgan.

- 2022-yil 6-iyul kuni soat 07:00 larda, Olmazor tumanida joylashgan “Mineral Suvlar” blok-postiga xizmatga jalb qilingan YPX xodimi S.Keldiyorov tomonidan Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, haydovchi, 1988 O.X.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 167-moddasi 2-qismi bilan ayblanib, 2022-yil 17-mart kunidan buyon qidiruvdaligi aniqlangan.

Tegishli hujjatlar rasmiylashtirilib, fuqaro O.X. Olmazor tumani IIO FMBga topshirilgan.

- 2022-yil 6-iyul kuni soat 15:10 larda Mirzo Ulugʻbek tumaniga xizmatga jalb etilgan YPX xodimlari Sh.Nuraliyev va R.Xaydarovlar tomonidan tuman hududida harakatlanib kelayotgan “Lacetti” rusumli avtomobil toʻxtatilib, haydovchi, 1999-yilda tugʻilgan A.A.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 1-qismi bilan ayblanib, qidiruvda ekanligi aniqlangan.

Tegishli hujjatlar rasmiylashtirilib, fuqaro A.A. Mirzo Ulugʻbek tumani IIO FMBga topshirilgan.

Yoʻllarda tekshiruvlar davom etmoqda...