Tekshiruvlar davomida:

- 2022-yil 18-aprel kuni soat 01:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nugʻmonov va N.Dosimovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, yoʻlovchi, 1984-yilda tugʻilgan Sh.B.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 122-moddasi bilan ayblanib, 2021-yil 28-sentyabr kunidan buyon qidiruvdaligi maʼlum boʻlgan. Shuningdek, xolis va guohlar ishtirokidagi tekshiruvlar davomida fuqaro Sh.B.ning yonidan 2000 soʻmlik pul kupyurasiga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Sh.B. va aniqlangan modda Bektemir tumani IIO FMBga topshirilgan.

- 2022-yil 17-aprel kuni soat 03:45 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari D.Yakubov va S.Zoyirovlar tomonidan, Toshkent viloyatidan poytaxtga kirib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, haydovchi va yoʻlovchining yonidan 1 dona “Regapen” nomli psixotrop dori vositasi hamda selofanga oʻralgan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqarolar va aniqlangan vositalar Yunusobod tumani IIO FMBga topshirilgan.

Yoʻllarda tekshiruvlar davom etmoqda...