Tekshirular davomida:

- 2022-yil 12-noyabr kuni soat 15:10 larda Toshkent shahar, Mirzo Ulugʻbek tumanida xizmat olib borayotgan YPX xodimlari A.Xolov tomonidan, Parkent koʻchasi boʻylab harakatlanib kelayotgan “Cobalt” rusumli avtomobil toʻxtatilib, haydovchi, 1983-yilda tugʻilgan F.B.ning maʼlumotlari planshet moslamasi yordamida, maxsus dastur orqali tekshirilganda ushbu fuqaro Oʻzbekiston Respublikasi Jinoyat Kodeksining 169-moddasi 2-qismi bilan ayblanib, 2020-yil 9-iyul kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro F.B. Mirzo Ulugʻbek tumani IIO FMBga topshirilgan.

- 2022-yil 13-noyabr kuni soat 17:10 larda Toshkent shahar, Sirgʻali tumanida xizmat olib borayotgan YPX xodimlari J.Xusanov va A.Soliyevlar tomonidan, piyoda, 1997-yilda tugʻilgan U.K. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 3-qismi bilan ayblanib, 2021-yil 22-sentabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro U.K. Sirgʻali tumani IIO FMBga topshirilgan.

- 2022-yil 13-noyabr kuni soat 18:20 larda Toshkent shahar, Bektemir tumanida xizmat olib borayotgan YPX xodimlari B.Umarov va D.Tadjiqulovlar tomonidan, TXAY koʻchasi boʻylab harakatlanib kelayotgan “Nexia” rusumli avtomobil toʻxtatilib, haydovchi, 1988-yilda tugʻilgan Oʻ.A.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 122-moddasi 1-qismi bilan ayblanib, 2020-yil 7-iyul kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Oʻ.A. Bektemir tumani IIO FMBga topshirilgan.

Yoʻllarda tekshiruvlar davom etmoqda...