YPX xodimlari tomonidan tekshiruvlar davomida:

- 2022-yil 22-mart kuni soat 15:40 larda, Bektemir tumanida joylashgan “Sharq” YPX maskanida xizmat olib borayotgan, YPX xodimi N.Dosimov tomonidan Toshkent viloyatidan poytaxtga kirib kelayotgan “Captiva” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1991-yilda tugʻilgan N.T.ning yonidan sellofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.T. va topilgan modda Bektemir tumani IIO FMBga topshirilgan.

- 2022-yil 22-mart kuni soat 20:40 larda, Shayxontohur tumanida xizmat olib borayotgan YPX xodimlari Sh.Allanazarov va B.Bozorovlar tomonidan Qoratosh koʻchasi boʻylab harakatlanib kelayotgan “Spark” rusumli avtomobil toʻxtatilib, haydovchi, 1996-yilda tugʻilgan Sh.N.ning maʼlumotlari planshet moslamasi yordamida, maxsus dastur orqali tekshirilganda, fuqaro Sh.N. Oʻzbekiston Respublikasi Jinoyat Kodeksining 169-moddasi (oʻgʻrilik) 1-qismi bilan ayblanib, 2022-yil 16-fevral kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Sh.N. Shayxontohur tumani IIO FMBga topshirilgan.

- 2022-yil 22-mart kuni soat 23:30larda, Bektemir tumanida joylashgan “Sharq” YPX maskanida xizmat olib borayotgan YPX xodimi J.Toʻraboyev va F.Joʻrayevlar tomonidan, Toshkent viloyatidan poytaxtga kirib kelayotgan haydovchi, 1987-yilda tugʻilgan S.S. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan, tegishli hujjatlari boʻlmagan pnevmatik qurol topilgan.

Mazkur holat yuzasidan tegishli hujjatlar rasmiylashtirilib, fuqaro S.S. va aniqlangan vosita Bektemir tumani IIO FMBga topshirilgan.

- 2022-yil 19-mart kuni, Toshkent viloyati, Yangiyoʻl tumanida xizmat olib borayotgan YPX xodimi M.Mirpoʻlatov tomonidan yoʻlni belgilanmagan joyidan kesib oʻtayotgan piyoda, 1992-yilda tugʻlgan R.T. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, fuqaro R.T. Oʻzbekiston Respublikasi Jinoyat Kodeksining 168-moddasi 4-qismi bilan ayblanib, 2022-yil 5-mart kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro R.T. tuman IIBga topshirilgan.

Tekshiruvlar davom etmoqda...