Tekshiruvlar davomida:

- 2022-yil 24-may kuni soat 12:00larda, Yangihayot tumanida joylashgan “A.Turbanov” YPX maskanida xizmat olib borgan YPX xodimlari N.Ikromov va M.Poʻlatovlar tomonidan Toshkent viloyatidan poytaxtga kirib kelayotgan “Nexia” rusumli avtomobil toʻxtatilganda, salonda boʻlgan yoʻlovchi, 1989-yilda tugʻilgan Sh.A. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi Sh.A.ga tegishli boʻlgan “Samsung” rusumli uyali qoʻl telefoni gʻilofining orqasidan, sellofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Sh.A. va topilgan modda Yangihayot tumani IIO FMBga topshirilgan.

- 2022-yil 24-may kuni soat 12:50 larda, Yunusobod tumanida joylashgan “Uch qahramon” YPX maskanida xizmat olib borgan YPX xodimlari A.Abdumalikov va S.Oʻrinboyevlar tomonidan Toshkent viloyatidan poytaxtga kirib kelayotgan “Nexia” rusumli avtomobil toʻxtatilganda, salonda boʻlgan yoʻlovchi, 1986-yilda tugʻilgan H.Sh. turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi H.Sh.ning choʻntagidan 3 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro H.Sh. va topilgan dori vositalari Yunusobod tumani IIO FMBga topshirilgan.

- 2022-yil 25-may kuni soat 01:00 larda Sirgʻali tumaniga xizmatga jalb etilgan YPX inspektorlari A.Soriyev va J.Abdiyevlar tomonidan Qipchoq koʻchasi boʻylab harakatlanib kelayotgan “Captiva” rusumli avtomobil toʻxtatilib, haydovchi 1994-yilda tugʻilgan B.K.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 273-moddasi 5-qismida koʻrsatilgan jinoyatni sodir etganlikda ayblanib, 2019-yil 2-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro B.K. Sirgʻali tumani IIO FMBga topshirilgan.

Yoʻllarda tekshiruvlar davom etmoqda...