Tekshiruvlar davomida:

- 2022-yil 20-may kuni Toshkent viloyati, Yangiyoʻl shahar hududida xizmat olib borgan YPX xodimi J.Ergashev tomonidan “Lacetti” rusumli avtomobil toʻxtatilib, haydovchi, 1988-yilda tugʻilgan J.Sh.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 266-moddasi 1-qismida nazarda tutilgan jinoyatni sodir etganlikda ayblanib, 2022-yil 1-may kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro J.Sh. hududiy IIBga topshirilgan.

- 2022-yil 19-may kuni Toshkent viloyati, Yangiyoʻl shahrida xizmat olib borgan YPX xodimi X.Baxtiyorov tomonidan transport vositasida boʻlgan yoʻlovchi, 1994-yilda tugʻilgan Ch.U.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 167-moddasi 3-qismida koʻrsatilgan jinoyatni sodir etganlikda ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Ch.U. hududiy IIBga topshirilgan.

- 2022-yil 18-may kuni soat 12:20larda, Toshkent viloyati, Yangiyoʻl tumani hududida xizmat olib borgan YPX xodimi A.Oʻtamishov tomonidan “Matiz” rusumli avtomobil toʻxtatilgan vaqtda, haydovchi va salonda boʻlgan yoʻlovchi turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchining yonidan 4 dona yelim idishlarda, koʻrinishidan kuchli taʼsir qiluvchi dori vositalari topilgan.

Holat boʻyicha tegishli hujjatlar rasmiylashtirilib, fuqarolar va topilgan vositalar hududiy IIBga topshirilgan.

Yoʻllarda tekshiruvlar davom etmoqda...