Yoʻllardagi tekshiruvlar davomida:

- 2022-yil 16-mart kuni soat 02:30 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari X.Xalilov va I.Meliyevlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, yoʻlovchi, 1983-yilda tugʻilgan Sh.K.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 277-moddasi 2-qismi bilan ayblanib, 2021-yil 20-mart kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Sh.K. Yunusobod tumani IIO FMBga topshirilgan.

- 2022-yil 16-mart kuni soat 12:00 larda, Mirzo Ulugʻbek tumanida xizmat olib borayotgan YPX xodimlari U.Sultanov va B.Yuldashevlar tomonidan, Temur Malik koʻchasi boʻylab harakatlanib kelayotgan “Spark” rusumli avtomobil toʻxtatilib, haydovchi, 1991-yilda tugʻilgan J.M.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 229-moddasi bilan ayblanib, 2022-yil 18-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro J.M. Yunusobod tumani IIO FMBga topshirilgan.