Ma’lumki, Bo‘stonliqning tog‘li hududlaridagi dam olish maskanlariga olib boruvchi avtomobil yo‘lining ma’lum qismida yo‘l-transport hodisalari hamda tirbandliklarning oldini olish maqsadida 2025 yilning 12 yanvar kuniga qadar transport vositalarining harakati bir tomonlama tashkil etildi.

Xizmat rahbari tomonidan mazkur tog‘li hududda xizmat olib borayotgan ichki ishlar va sohaviy xizmat xodimlariga jamoat tartibini saqlash, yo‘l-transport hodisalarining oldini olish maqsadida amalga oshirilgan ishlar bilan tanishib, xodimlarga hushyor holda xizmat olib borish bo‘yicha ko‘rsatmalar berildi.

Shuningdek, yo‘llarni qordan tozalashda foydalaniladigan maxsus texnikalarning holati va ularning ishga shayligi, qum-tuz aralashmasi zaxiralarining yetarli ekanligi tekshirildi. Yo‘llarni muntazam ravishda qordan tozalash va muzlamalarni bartaraf etish yuzasidan mas’ul tashkilotlarga qat’iy topshiriqlar berildi.