Mamlakatimizda yo‘l harakati xavfsizligini ta'minlash, transport vositalari harakatini yanada qulay va xavfsiz qilish, aholining ijtimoiy hayot sifatini oshirish maqsadida yo‘l infratuzilmasini modernizatsiya qilishga alohida e’tibor qaratilmoqda.

Xususan, D-154b “Xonobod qishlog‘iga kirish” avtomobil yo‘lining 4-5 kilometr qismida piyodalar xavfsizligini ta’minlash maqsadida zamonaviy trotuarlar qurilmoqda. Bu esa piyodalar uchun qulay va xavfsiz harakatlanish imkonini yaratadi.

Shuningdek, D-150 “A-378 avtomobil yo‘li – Qarshi shahri” yo‘nalishining 49-50 km oraliqda keng ko‘lamli rekonstruksiya ishlari olib borilmoqda. Ushbu yo‘lining 51-km xalqaro standartlarga mos ravishda ko‘prik qurilishi jadal davom ettirilmoqda. Mazkur inshoot nafaqat mahalliy, balki mintaqaviy transport aloqalarining yaxshilanishiga xizmat qiladi.

Yana bir muhim loyiha A-380 “G‘uzor–Buxoro–Nukus–Beynau” avtomobil yo‘lining 65-km transport vositalarining xavfsiz burilish imkoniyatlarini oshirish maqsadida qayrilib olish joyi "noksimon" shaklga keltirilmoqda.

Ushbu ishlar fuqarolamiz uchun yanada qulay, xavfsiz hamda zamonaviy infratuzilmani shakllantirish, shuningdek, viloyatning transport-logistika salohiyatini oshirishga xizmat qiladi.