Qabul davomida fuqarolarning kundalik hayotida dolzarb bo‘lgan masalalar, jumladan, piyodalar xavfsizligi, maktab va ta’lim muassasalari atrofida yo‘l belgilari o‘rnatilishi, svetofor va yo‘l chiziqlarining yangilanishi kabi muammolar tinglandi.

Fuqarolarning murojaatlari rahbariyat tomonidan sinchkovlik bilan ko‘rib chiqilib, aksariyat masalalar joyida hal qilindi, qo'shimcha vaqt talab etadigan muammolar bo‘yicha esa mas’ullarga aniq topshiriqlar berildi.

Uchrashuvda fuqarolarning faol ishtiroki, ularning muammolarini ochiq bayon qilishi va takliflar bildirishlari sayyor qabullarning haqiqiy samara berayotganini ko‘rsatdi. Shuningdek, fuqarolar tomonidan ilgari surilgan tashabbuslar asosida kelgusida bir qator loyihalar amalga oshirilishi rejalashtirilmoqda.

Buxoro viloyatida tashkil etilgan mazkur sayyor qabul aholining huquq va manfaatlarini himoya qilish, yo‘l harakati xavfsizligini yanada mustahkamlash hamda davlat organlari va fuqarolar o‘rtasida ochiq muloqot tizimini rivojlantirish yo‘lida muhim qadam bo‘ldi.