Uchrashuv davomida mamlakatlar oʻrtasidagi oʻzaro hamkorlik koʻplab sohalarda izchil yoʻlga qoʻyilganligi etirof etildi. Shu bilan birga yoʻllarda piyoda va transport vositalarining xavfsiz harakati yuzasidan yoʻlga qoʻyilgan keng koʻlamli islohotlar avvalo inson manfaatlariga xizmat qilishi urgʻulanib, istiqboldagi rejalar borasida suhbat olib borildi.

Ayniqsa, soʻngi yillarda mamlakatimizda yoʻl-transport hodisalarining oldini olish, yoʻl infratuzilmasini yanada yaxshilashda xalqaro tajribalardan keng foydalanish borasida amalga oshirilgan ishlar sanab oʻtildi.

Xalqaro hamkorlik yoʻlida tashkil etilgan ushbu muzokaradan koʻzlangan maqsad yoʻl harakati xavfsizligini taʼminlashda zamonaviy texnologiyalardan foydalanish, tajriba almashish, hamkorlikni yanada mustahkamlash va qoʻshma loyihalarni amalga oshirishdan iboratdir.

Uchrashuv ochiq va samimiy muhitda oʻtdi, hamkorlikning yangi istiqbollari muhokama qilindi va tomonlar oʻrtasidagi muloqotni yanada rivojlantirish boʻyicha kelishib olindi.