O‘rganishlar davomida Qorao‘zak tumani hududidan o‘tuvchi A-380 “Gʻuzor–Buxoro–Nukus–Beyneu” avtomobil yo‘lining 673–698-kilometrlari oralig‘ida amalga oshirilayotgan rekonstruksiya ishlari, shuningdek Bestobe YPX maskanida xizmat olib borayotgan xodimlarning faoliyati hamda xizmatni tashkil etish masalalari ko‘zdan kechirildi.

Shuningdek, Taxiatosh tumani Yo‘llardan muntazam foydalanish davlat muassasasi korxonasining qish mavsumiga tayyorgarlik darajasi, maxsus texnika va moddiy-texnik ta’minoti holati o‘rganildi.

Bundan tashqari, Taxiatosh tumani hududidagi D-154 L avtomobil yo‘lining 1,3–4,8 kilometr oralig‘ida skuter va velosipedchilar uchun mo‘ljallangan maxsus yo‘lak tashkil etish hamda Nukus shahri hududida A-380 avtomobil yo‘lining 773-kilometrida aylanma harakatli yo‘l tashkil etish bo‘yicha ishlab chiqilgan loyihalar ko‘rib chiqildi.

Shu bilan birga, Ma’muriy amaliyot markazi, Ro‘yxatdan o‘tkazish va imtihon olish bo‘limlari hamda YPX batalonining xizmat faoliyati o‘rganildi.