IIV JXD Yoʻl harakati xavfsizligi xizmati tomonidan hududiy yoʻl-patrul xizmati xodimlariga amaliy va nazariy oʻquv mashgʻulotlari tashkil etildi.

Yoʻl harakati xavfsizligi sohasida xizmat qilib kelayotgan xodimlarning bilim va koʻnikmalarini yanada oshirish maqsadida YHXX tomonidan turli yoʻnalishlarda mashgʻulotlar olib borilmoqda.

Mashgʻulotlar davomida YPX xodimlariga OʻRQ-900-son Qonuni, Ichki ishlar vazirining buyruq va farmoyishlari, Vazirlar Mahkamasining 2018-yil 1-dekabrdagi 975-son qarori va yana bir qator hujjatlarning mazmun-mohiyati tushuntirilmoqda.

Oʻquv yigʻinida Maʼmuriy amaliyot, Roʻyhatdan oʻtkazish va imtihon olish hamda Texnika nazorati, shuningdek, Yoʻl-patrul xizmati faoliyatini muvofiqlashtirish va Axborot texnologiyalari yoʻnalishlarida masʼul xodimlar tomonidan tinglovchilarga dars mashgʻulotlari olib borilmoqda.

Shuningdek, YPX xodimlariga chorrahani toʻgʻri tartibga solish, maxsus aloqa vositalari, planshet moslamalari, bodikamera, alkotester va narkotesterlardan foydalanish tartibi boʻyicha ham amaliy mashgʻulotlar oʻtkazilmoqda.