Yo‘l infratuzilmasini takomillashtirish, harakat ishtirokchilari uchun xavfsiz va qulay sharoitlar yaratish maqsadida IIV JXD Yo‘l harakati xavfsizligi xizmati hamda Toshkent shahar YHXB mas’ul xodimlaridan iborat ishchi guruh tomonidan poytaxtimizdagi chorrahalarda o‘rganish ishlari olib borilmoqda.

Bugun, 2025 yil 30 aprel kuni, Shayxontohur tumanidagi Alisher Navoiy, Beruniy va Samarqand darvoza ko‘chalari kesishgan chorrahada, shuningdek, Yunusobod tumanidagi Amir Temur va Axmad Donish ko‘chalari kesishmasida o‘rganish ishlari amalga oshirildi.

O‘rganishlar jarayonida mavjud muammolar o‘rganilib, mas’ullar tomonidan ularni bartaraf etish bo‘yicha bir qator takliflar muhokama qilindi. Shuningdek, amalga oshirilishi lozim bo‘lgan aniq chora-tadbirlar belgilandi va mutasaddilarga tegishli tavsiyalar berildi.