Tadbirning asosiy maqsadi — jamoatchilik va OAV vakillarini yo‘l harakati xavfsizligini ta’minlash sohasida amalga oshirilayotgan tizimli islohotlar, qonunchilikdagi yangiliklar va innovasion texnologiyalardan samarali foydalanish yo‘nalishlari bilan yaqindan tanishtirishdan iborat bo‘ldi.

Press-tur doirasida ishtirokchilarga zamonaviy video kuzatuv va monitoring tizimlari, maxsus avtomototransport vositalarining imkoniyatlari, tezkor aloqa vositalari hamda harakatni samarali boshqarishda foydalaniladigan texnikalar haqida batafsil ma’lumot berildi. Shuningdek, ishtirokchilar xodimlar uchun yaratilgan zamonaviy mehnat sharoitlari bilan ham tanishtirildi.

Matbuot anjumanida esa yo‘l harakati xavfsizligini oshirishga qaratilgan islohotlarning natijalari, o‘tgan yillardagi muvaffaqiyatli tajribalar, shuningdek, kelgusida amalga oshirilishi rejalashtirilayotgan ustuvor vazifalar muhokama etildi.

Shuningdek, jamoatchilik bilan ochiq muloqot o‘rnatish, fuqarolarning huquqiy xabardorligini oshirish va profilaktik chora-tadbirlar samaradorligini kuchaytirish masalalariga alohida e’tibor qaratildi.

Tadbir yakunida ishtirokchilar tomonidan berilgan savollarga mutaxassislar tomonidan to‘liq va atroflicha javoblar qaytarilib, ochiq va samimiy muloqot muhiti yaratildi.