Ijtimoiy tarmoqda “Qamchiq” dovonida vaqtincha yoʻl yopilib, tirbandlik yuzaga kelganligi aytilgan video tarqaldi.

Bugun, 2022-yil 2-noyabr kuni soat 09-30 larda, A-373 “Toshkent-Oʻsh” avtomobil yoʻlining 215-216 kilometrlari oraligʻida FVB hamda YHXB xodimlari hamkorligida tepaliklardan yoʻl yuzasiga tushish ehtimoli boʻlgan tosh boʻlaklarini tozalash ishlari amalga oshirilgan.

Mazkur jarayonda vaqtincha harakat toʻxtatilib, tozalash ishlari yakunlangandan soʻng transport vositalari harakatiga ruxsat berilgan.

Ayni vaqtlarda dovon yoʻlida transportlar harakati davom etmoqda. Barcha haydovchilardan tezlikni meʼyoridan oshirmasdan, qoidalarga rioya qilgan holda harakatlanishlarini soʻraymiz.