Ижтимоий тармоқда "Қамчиқ" довонида вақтинча йўл ёпилиб, тирбандлик юзага келганлиги айтилган видео тарқалди.

Бугун, 2022 йил 2 ноябрь куни соат 09-30 ларда, А-373 "Тошкент-Ўш" автомобиль йўлининг 215-216 километрлари оралиғида ФВБ ҳамда ЙҲХБ ходимлари ҳамкорлигида тепаликлардан йўл юзасига тушиш эҳтимоли бўлган тош бўлакларини тозалаш ишлари амалга оширилган.

Мазкур жараёнда вақтинча ҳаракат тўхтатилиб, тозалаш ишлари якунлангандан сўнг транспорт воситалари ҳаракатига рухсат берилган.

Айни вақтларда довон йўлида транспортлар ҳаракати давом этмоқда. Барча ҳайдовчилардан тезликни меъёридан оширмасдан, қоидаларга риоя қилган ҳолда ҳаракатланишларини сўраймиз.