Ijtimoiy tarmoqda Samarqand shahrida “Registon maydoni” roʻparasida “Spark” rusumli 30B778UA davlat raqam belgili avtomobil haydovchisi yoʻlning qarama-qarshi harakatlanish uchun moʻljallangan tomoniga chiqib harakatlanganligi va ushbu hududda xizmat olib borayotgan YPX xodimlari qoidabuzar haydovchini toʻxtatish chorasini koʻrmaganligi aks etgan video tarqaldi.

Mazkur video jamoatchilik vakili tomonidan “videoJarima” dasturiga yuborilgan boʻlib, masʼul xodim tomonidan qoidani buzgan haydovchiga nisbatan Oʻzbekiston Respublikasi MJtKning 128⁵-moddasi ikkinchi qismi tartibida BHMning oʻn baravari 3.000.000 (uch million) soʻm miqdorida jarima jazosi belgilandi.

Shuningdek, qoidabuzarlik sodir etilishi vaqtida tegishli chora koʻrilishini taʼminlamagan xodimlarga nisbatan xizmat tekshiruvi tayinlanganligini maʼlum qilamiz.