2022-yil 4-aprel kuni soat 14:30 larda, Namangan viloyati, Uchqoʻrgʻon tumani, Andijon koʻchasida xizmat olib borayotgan YPX xodimi A.Tursunaliyev tomonidan meʼyoriy hujjatlarini tekshirish maqsadida “HOWO” rusumli yuk avtomobili haydovchisi toʻxtatilgan. Haydovchi meʼyoriy hujjatlarini xodimga taqdim etmagan va avtomobilini tegishli tartibda jarima maydoniga qoʻyilishiga qarshilik koʻrsatgan. YPX xodimi tomonidan Oʻzbekiston Respublikasi MJtKning 135- va 194-moddalari tartibida bayonnoma rasmiylashtirilganda, haydovchi yurgizgich kalitni olib voqea joyidan ketib yuborgan. Shundan soʻng, yuk avtomobilini vaqtincha saqlash uchun jarima maydoniga qoʻyish choralari koʻrilgan. Toʻplangan hujjatlar oʻrganib chiqishlik uchun Jinoyat ishlari boʻyicha tuman sudiga yuborilmoqda.

Barcha haydovchilardan eng avvalo qoidalarga rioya qilishlarini, qoidani chetlab oʻtgan vaqtda esa, chora koʻrilishini taʼminlashga majbur boʻlgan YPX xodimining qonuniy talabiga boʻysunishlarini soʻraymiz.