Ijtimoiy tarmoqda "Nexia-3" rusumli avtomobil boshqarib ketayotgan haydovchi transport vositasining oynasidan axlat uloqtirib yuborganligi aks etgan video tarqaldi va keng jamoatchilik e’tirozlariga sabab bo‘ldi.

Holat Toshkent shahar IIBB YHXB va HPB mas’ullari tomonidan o‘rganildi va mazkur haydovchi aniqlanib, unga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 123-moddasi (transport vositalaridan axlat yoki boshqa narsalarni tashlab yuborish) tartibida chora ko‘rildi.

Barcha harakat ishtirokchilaridan qoidalarga rioya qilishlarini so‘raymiz.