Ijtimoiy tarmoqda “YPX xodimi va haydovchi oʻrtasida tortishuv” sarlavhasi bilan video tarqaldi.

Holat, 2021-yil 9-dekabr kuni Fargʻona shahri, Qirguli mavzesida sodir boʻlgan. Ushbu hududda xizmat olib boryotgan YPX xodimi N.Turgʻunov tomonidan “Spark” rusumli avtomobil toʻxtatilib tekshirilganida, haydovchi, 1992-yilda tugʻilgan A.T. tegishli hujjatlari yoʻqligini maʼlum qilgan. Shundan soʻng, haydovchiga nisbatan tegishli tartibda maʼmuriy bayonnoma rasmiylashtirilib, avtomobil vaqtincha saqlash uchun jarima maydoniga olib ketilayotgan vaqtda YPX xodimi va haydovchi oʻrtasida oʻzaro tortishuv yuzaga kelgan.

Mazkur holat yuzasidan Fargʻona viloyati IIB YHXB masʼul xodimlari tomonidan xizmat tekshiruvi oʻtkazilmoqda.