Joriy yil 31 iyul kuni Andijon viloyati IIB YHXB YPX xodimi D.Qo‘shboyev tomonidan Oltinko‘l tumani, Markaz MFY, Chinobod ko‘chasida "Nexia-3" rusumli avtomobil haydovchisi svetoforning taqiqlovchi chirog‘ida harakatlanganligi bois to‘xtatilgan. Tekshiruv jarayonida haydovchi T.P.ning me’yoriy hujjatlari yo‘qligi, 2020 yil dekabr oyida mast holda avtomobil boshqarganligi uchun sud tomonidan ikki yil muddatga avtotransport vositasini boshqarish huquqidan mahrum etilganligi ma’lum bo‘lgan. YPX xodimi o‘rnatilgan tartibda bayonnoma rasmiylashtirib haydovchi boshqaruvidagi avtomobilni jarima maydoniga joylashtirgan.

Videoda YPX xodimi va haydovchi o‘rtasidagi nizoli vaziyat aks etgan bo‘lib, holat yuzasidan Andijon viloyati IIB YHXB mas’ullari tomonidan xizmat tekshiruvi o‘tkazilmoqda.