Joriy yilning 24-sentabr kuni soat 10:30 larda Jizzax viloyati, Gʻallaorol tumanida xizmat olib borayotgan YPX xodimi S.Xo‘jamurodov tomonidan "Hyundai" rusumli avtomobil haydovchisi yo‘l chizig‘ining talabiga rioya qilmaganligi bois to‘xtatilgan.

Xodim haydovchi S. B. ning e’tirozi bo‘lganligi sababli unga qog‘oz shaklida ma’muriy bayonnoma rasmiylashtirgan. Haydovchi bayonnoma bilan tanishib, suratga olmoqchi bo‘lganida YPX xodimi unga ruxsat bermagan.

Mazkur holat yuzasidan Jizzax viloyati IIB YHXB mas’ul xodimlari tomonidan xizmat tekshiruvi o‘tkazilmoqda.