Farg‘ona viloyati, Quvasoy shahrida "UAZ-3303" rusumli yuk avtomobil haydovchisining qo‘pol qoidabuzarligi ortidan baxtsiz hodisa yuzaga kelishi mumkin bo‘lgan holat aks etgan video ijtimoiy tarmoqda tarqaldi.

Quvasoy shahar YHXB xodimlari tomonidan video yuzasidan surishtiruv olib borildi va haydovchi I. A. ga nisbatan o‘rnatilgan tartibda bayonnoma tuzilib, BHMning 10 baravari, ya’ni 2.450.000 so‘m miqdorida jarima belgilandi.

Barcha haydovchilardan qoidalarga rioya qilishlarini so‘raymiz.