Ijtimoiy tarmoqda, 80756UAA davlat raqam belgili avtobus haydovchisi, svetoforning taqiqlovchi qizil chirog‘ida harakatlanganligi aks etgan video tarqalib, keng jamoatchilik e’tirozlariga sabab bo‘ldi.

Video yuzasidan Buxoro viloyati IIB YHXB xodimlari tomonidan surishtiruv olib borilib, yo‘l harakati qoidalarining 31-bandi talabini chetlab o‘tgan 80756UAA davlat raqam belgili avtobus haydovchisiga nisbatan ma’muriy bayonnoma rasmiylashtirildi hamda haydovchiga tushuntirish ishlari olib borildi.

Yo‘lovchi tashuvchi haydovchi — o‘ta ehtiyotkor va mas’uliyatli bo‘lishi zarur. Barcha haydovchilardan qoidalarga rioya qilishlarini so‘raymiz.