Ijtimoiy tarmoqda "Lacetti" rusumli, 60M007SA davlat raqam belgili avtomobil haydovchisi yo‘l harakati qoidalarida belgilangan talablarni buzgan holda harakatlanib yurganligi aks etgan video tarqaldi.

Video yuzasidan Andijon viloyati IIB YHXB xodimlari tomonidan surishtiruv olib borilib, ushbu "Lacetti" rusumli, 60M007SA davlat raqam belgili avtomobil haydovchisi, 1992-yilda tug‘ilgan Sh.X. ga nisbatan bayonnoma tuzilib, avtomobil jarima maydoniga qo‘yildi va to‘plangan hujjatlar O‘zbekiston Respublikasi Ma’muriy javobgarlik to‘g‘risidagi Kodeksning 127-moddasi ikkinchi qismi tartibida o‘rganib chiqishlik uchun Jinoyat ishlari bo‘yicha Andijon tumani sudiga yuborish choralari ko‘rilmoqda.

Barcha haydovchilardan qoidalarga rioya qilishlarini so‘raymiz.