Ijtimoiy tarmoqda “Lacetti” rusumli, 01D101NB davlat raqam belgili avtomobil haydovchisi qoidalarni buzgan holda transport vositasiga ruxsat etilmagan mayoqcha oʻrnatganligi aks etgan video tarqaldi.

Video yuzasidan surishtiruv olib borilganda, haydovchi Qashqadaryo viloyati, Yakkabogʻ tumanida istiqomat qilishi maʼlum boʻldi va tuman YHXB xodimi tomonidan ushbu haydovchi, 2002-yilda tugʻilgan D.A. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-moddasi ikkinchi qismi tartibida bayonnoma tuzilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishlarini soʻraymiz.