Joriy yilning 13-mart kuni ijtimoiy tarmoqda “Shu haydovchini ham reyd qilib bering. Oʻzini sal bosib olsa balki koʻchalarda tartibli harakatlanib qolar” izohi bilan “Nexia-3” rusumli avtomobil aks etgan video tarqaldi va jamoatchilik muhokamalariga sabab boʻldi.

Ushbu video yuzasidan Andijon viloyati IIB YHXB xodimlari tomonidan surishtiruv olib borilib, “Nexia-3” rusumli, 60W712SA davlat raqam belgili avtomobil haydovchisi aniqlandi. Surishtiruv davomida ushbu avtomobil yon oynalarining tusi tegishli ruxsatsiz qoraytirilganligi maʼlum boʻldi va haydovchi, 2002-yilda tugʻilgan S.K. ga nisbatan Oʻzbekiston Respublikasi MJtKning 126-moddasi 1-qismi tartibida maʼmuriy bayonnoma tuzilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishni soʻraymiz.