Жорий йилнинг 13 март куни ижтимоий тармоқда "Шу ҳайдовчини ҳам рейд қилиб беринг. Ўзини сал босиб олса балки кўчаларда тартибли ҳаракатланиб қолар" изоҳи билан "Nexia-3" русумли автомобиль акс этган видео тарқалди ва жамоатчилик муҳокамаларига сабаб бўлди.

Ушбу видео юзасидан Андижон вилояти ИИБ ЙҲХБ ходимлари томонидан суриштирув олиб борилиб, "Nexia-3" русумли, 60W712SA давлат рақам белгили автомобиль ҳайдовчиси аниқланди. Суриштирув давомида ушбу автомобиль ён ойналарининг туси тегишли рухсатсиз қорайтирилганлиги маълум бўлди ва ҳайдовчи, 2002 йилда туғилган С.К.га нисбатан Ўзбекистон Республикаси МЖтКнинг 126-моддаси 1-қисми тартибида маъмурий баённома тузилиб, автомобиль вақтинча сақлаш учун жарима майдонига қўйилди.

Барча ҳайдовчилардан қоидаларга риоя қилишни сўраймиз.