Joriy yilning 27-fevral kuni ijtimoiy tarmoqda “Andijonda oldi oynani ham qoraytirishga ruxsat berildimi? Qonunchilikda qanday edi?” izohi bilan, “Nexia-3” rusumli avtomobil aks etgan video tarqaldi.

Ushbu video yuzasidan Andijon viloyati IIB YHXB xodimlari tomonidan surishtiruv olib borilib, “Nexia-3” rusumli, 60G707QA davlat raqam belgili avtomobil haydovchisi aniqlandi. Surishtiruvlar hamda haydovchining izohlariga koʻra, videoda aks etgan holat 2021-yilning iyun oyida sodir boʻlgan va mazkur holat boʻyicha 2021-yil 11-iyun kuni haydovchiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 126-moddasi tartibida chora koʻrilgan.