2021-yil 8-dekabr kuni soat 11:40 larda, Qashqadaryo viloyati, Qarshi shahar, Mustaqillik koʻchasida haydovchi, 1985-yilda tugʻilgan Sh.M. “Damas” rusumli avtomobilni boshqarayotib, oʻzi bilan bir yoʻnalishda, oldinda boʻlgan, YPX xodimi R.Tursunov boshqaruvidagi “Lacetti” rusumli avtomobilning orqa tomoniga toʻqnashishi oqibatida YTH sodir boʻlgan.

YTH natijasida “Damas” rusumli avtomobilda boʻlgan bir nafar yoʻlovchiga birinchi tez tibbiy yordam koʻrsatilgan.

Mazkur YTH yuzasidan Qarshi shahar prokuraturasi tomonidan surishtiruv harakatlari olib borilmoqda.

Barcha haydovchilardan qoidalarga rioya qilishlarini soʻraymiz.