Ijtimoiy tarmoqlarda “Damas” rusumli 10157CCA davlat raqam belgili avtomobil haydovchisi boshqaruvidagi transport vositasining tepa qismida oʻrnatilgan yukxonaga odam chiqarib olgan holda Shahrisabz koʻchalari boʻylab harakatlanganligi aks etgan video ijtimoiy tarmoqlarda tarqalib, keng jamoatchilik tomonidan haqli eʼtirozlarga sabab boʻldi.

Video Qashqadaryo viloyati IIB JXX YHXB masʼul xodimlari tomonidan oʻrganilib, qoidalarni chetlab oʻtgan haydovchiga nisbatan oʻrnatilgan tartibda chora koʻrildi. Shuningdek, haydovchiga Yoʻl harakati qoidalarida belgilangan tartib va meʼyorlar boʻyicha tushuntirish berildi.

Barcha harakat ishtirokchilaridan yoʻllarda qoidalarga rioya etgan holda harakatlanishlarini soʻraymiz. Oʻzingiz va atrofdagilarning salomatligini xavf ostiga qoʻymang!