Ijtimoiy tarmoqda fuqaro Asqar Bahronovga tegishli boʻlgan “Hyundai Santa Fe” rusumli avtomobilga oʻrnatilgan 80V001OA davlat raqam belgisi planshet moslamasida “Lacetti” rusumli transport vositasiga tegishli boʻlib koʻrinayotganligi aytilgan xabar tarqaldi.

Xabar oʻrganilganda:

- muqaddam fuqaro Asqar Bahronovga tegishli boʻlgan “Lacetti” rusumli transport vositasi 80V001OA davlat raqam belgisi bilan roʻyxatda boʻlgan;

- 2022-yil 24-avgust kuni mazkur avtomobil fuqaro Baxtiyor Beshimovga oldi-sotdi shartnomasi asosida oʻtgan va 2022-yil 5-sentabr kuni 80M405TA davlat raqam belgisi bilan roʻyxatga olingan (“Lacetti” avtomobili boshqa shaxsga oʻtib, 80V001OA davlat raqam belgisi yechilgan).

- 2022-yil 5-sentabr kuni fuqaro Asqar Bahronovga tegishli boʻlgan “Hyundai Santa Fe” rusumli avtomobil 80V001OA davlat raqam belgisi bilan roʻyxatdan oʻtkazilgan.

Izoh: 2023-yil 16-yanvar sanasi holatiga fuqaro Asqar Bahronovga tegishli boʻlgan “Hyundai Santa Fe” rusumli avtomobil 80V001OA davlat raqam belgisi bilan roʻyxatda mavjud. Ijtimoiy tarmoqda eʼlon qilingan, planshet moslamasidan olingan fotosurat 2022-yil 5-sentabr sanasidan oldin suratga olingan.