Ижтимоий тармоқда фуқаро Асқар Баҳроновга тегишли бўлган "Hyundai Santa Fe" русумли автомобилга ўрнатилган 80V001OA давлат рақам белгиси планшет мосламасида "Lacetti" русумли транспорт воситасига тегишли бўлиб кўринаётганлиги айтилган хабар тарқалди.

Хабар ўрганилганда:

- муқаддам фуқаро Асқар Баҳроновга тегишли бўлган "Lacetti" русумли транспорт воситаси 80V001OA давлат рақам белгиси билан рўйхатда бўлган;

- 2022 йил 24 август куни мазкур автомобиль фуқаро Бахтиёр Бешимовга олди-сотди шартномаси асосида ўтган ва 2022 йил 5 сентябрь куни 80M405TA давлат рақам белгиси билан рўйхатга олинган ("Lacetti" автомобили бошқа шахсга ўтиб, 80V001OA давлат рақам белгиси ечилган).

- 2022 йил 5 сентябрь куни фуқаро Асқар Баҳроновга тегишли бўлган "Hyundai Santa Fe" русумли автомобиль 80V001OA давлат рақам белгиси билан рўйхатдан ўтказилган.

Изоҳ: 2023 йил 16 январь санаси ҳолатига фуқаро Асқар Баҳроновга тегишли бўлган "Hyundai Santa Fe" русумли автомобиль 80V001OA давлат рақам белгиси билан рўйхатда мавжуд. Ижтимоий тармоқда эълон қилинган, планшет мосламасидан олинган фотосурат 2022 йил 5 сентябрь санасидан олдин суратга олинган.