IIV JXD YHXX “tonirovka” uchun belgilangan toʻlov miqdori oʻzgarmaganligini maʼlum qiladi.

Toʻlov miqdorlari avvalgidek:

yengil avtomobillarning orqa yon oynalarini tusini oʻzgartirish (qoraytirish) — bepul;

jismoniy va yuridik shaxslarning yengil avtotransport vositalari old yon oynalari tusini oʻzgartirishga (qoraytirishga) ruxsatnoma berganlik uchun toʻlov miqdori — BHMning 8 baravari (2.720.000 soʻm);

Oʻzbekiston Respublikasida faoliyat koʻrsatayotgan xorijiy davlatlar yuridik shaxslari uchun esa — BHMning 14 baravari (4.760.000 soʻm);

M2, M3 toifaga oid III klass avtotransport vositalari yon oynalarining tusini oʻzgartirish (qoraytirish) — BHMning 40 baravari miqdorida belgilan (13.600.000 soʻm).

Ruxsatnomani Yagona interaktiv davlat xizmatlari portali orqali (my.gov.uz) olsangiz ushbu toʻlovlarga 10% chegirma boʻladi.

Ijtimoiy tarmoqlarda tarqalgan xabarda “Humo glass-biznes” MCHJga tegishli M2 toifadagi “Gaz A21R33” rusumli transport vositasi uchun belgilangan toʻlov summasi 10% chegirma bilan 12.240.000 soʻm boʻlganligini maʼlum qilamiz.

Tarmoqlardagi ayrim sahifalarning adminlaridan notoʻgʻri maʼlumot tarqatib, jamoatchilikni chalgʻitmasliklarini soʻraymiz.