Joriy yilning 2-sentabr kuni soat 15:30 larda, Toshkent shahar, Shayxontohur tumani, Beruniy ko‘chasida xizmat olib borayotgan YPX xodimi A.Tadjiyev tomonidan "Lacetti" rusumli avtomobil haydovchisi boshqaruv vaqtida xavfsizlik kamaridan fodalanmaganligi bois to‘xtatilgan.

O‘zaro muloqot vaqtida tortishuvli vaziyat yuzaga kelib, qoidabuzarligi bo‘yicha barmoq izi orqali tasdiqlashi so‘ralganda haydovchi tomonidan nosamimiy munosabat kuzatilgan. YPX xodimi ham muomala madaniyatidan chetga chiqqanligi holati videoda aks etgan. Haydovchiga nisbatan sodir etgan qoidabuzarligi bo‘yicha elektron shakldagi bayonnoma rasmiylashtirilgan.

Holatga to‘liq oydinlik kiritish maqsadida Toshkent shahar IIBB YHXB mas’ul xodimlari tomonidan xizmat tekshiruvi o‘tkazilmoqda.