Joriy yilning 29 iyul kuni Toshkent shahar IIBB YHXB YPX xodimlari S.Alimov va S.Azizboyevlar tomonidan Yangihayot tumani, Binokor-Qipchoq ko‘chalari kesishgan chorrahada "Nexia-3" rusumli avtomobil haydovchisiga to‘xtash ishorasi berilganda haydovchi to‘xtamasdan harakatni davom ettirgan.

YPX xodimlari "Spark" rusumli avtomobilda haydovchini kuzatib borgan va ishoralar orqali haydovchi to‘xtatilgan. Tekshiruv davomida haydovchining hujjatlari to‘liqmasligi ma’lum bo‘lgan va unga nisbatan bayonnoma tuzilib, avtomobil jarima maydoniga joylashtirilgan.

Shuningdek, YPX xodimi "Spark" rusumli avtomobil boshqaruvi vaqtida xavfsizlik kamaridan foydalanmaganligi videoda aks etgan bo‘lib, qoidabuzarlik yuzasidan bayonnoma tuzildi. Holat yuzasidan qo‘shimcha surishtiruv o‘tkazilmoqda.