Oʻzbekiston Respublikasi Vazirlar Mahkamasining “Yoʻl harakati qoidalari”ni tasdiqlash haqidagi 172-son qarori 1-ilovasi 8-bandida haydovchi tegishli toifadagi transport vositasini boshqarish huquqini beruvchi haydovchilik guvohnomasiga ega boʻlishi shart, bunda:

“A” — moped, mototsikl va ularga tenglashtirilgan mototransport vositalari boshqarishga ruxsat etilishi koʻrsatilgan boʻlib, 6-bandi “moped” soʻziga tushuncha berilgan.

Yaʼni moped — eng yuqori konstruktiv tezligi soatiga 50 kilometrdan, ish hajmi 50 sm3 dan oshmaydigan ichki yonuv dvigateliga ega boʻlgan yoki nominal (belgilangan) quvvati 0,25 kilovattdan ortiq va 4 kilovattdan kam boʻlgan elektr dvigatelli ikki yoki uch gʻildirakli transport vositasi. Xuddi shunday tavsiflarga ega boʻlgan kvadritsikl (kvadrotsikl), tritsikl, skuter hamda yoʻlning qatnov qismida harakatlanishiga moslashtirilgan boshqa mexanik moslamalar ham mopedlarga tenglashtirilishi koʻrsatib qoʻyilgan.

Oʻzbekiston Respublikasi Vazirlar Mahkamasining “Yoʻl harakati qoidalari”ni tasdiqlash haqidagi 172-son qarori bilan tasdiqlangan “Yoʻl harakati qoidalari” Oʻzbekiston Respublikasi hududida yoʻl harakatining yagona tartibini belgilaydi.

Hurmatli haydovchilar, mazkur “Yoʻl harakati qoidalari”ga asosan barcha eng yuqori konstruktiv tezligi soatiga 50 kilometrdan, ish hajmi 50 sm3 dan oshmaydigan ichki yonuv dvigateliga ega boʻlgan yoki nominal (belgilangan) quvvati 0,25 kilovattdan ortiq va 4 kilovattdan kam boʻlgan elektr dvigatelli ikki yoki uch gʻildirakli transport vositasi, xuddi shunday tavsiflarga ega boʻlgan kvadritsikl (kvadrotsikl), tritsikl, skuter hamda yoʻlning qatnov qismida harakatlanishiga moslashtirilgan boshqa mexanik moslamalarni boshqarish uchun ham “A” toifali haydovchilik guvohnomasiga ega boʻlishi lozimligini eslatib oʻtamiz.