Ijtimoiy tarmoqda "Vaz-21013" rusumli, 30W030UA davlat raqam belgili avtomobil haydovchisi qoidani buzgan holda transport vositasiga ruxsat etilmagan mayoqcha o‘rnatganligi aks etgan video tarqaldi.

Video yuzasidan Samarqand viloyati IIB JXX YHXB xodimlari tomonidan surishtiruv olib borilib, ushbu "Vaz-21013" rusumli, 30W030UA davlat raqam belgili avtomobilni boshqargan (hadovchilik guvohnomasiga ega emas), 2003-yilda tug‘ilgan Sh.U. ga nisbatan tegishli tartibda ma’muriy bayonnoma tuzilib, avtomobil vaqtincha saqlash uchun jarima maydoniga qo‘yildi va fuqaro Sh.U. bilan profilaktik suhbat o‘tkazildi (boshqarish huquqi bo‘lmagan shaxsga transport vositasini boshqarishni topshirgan shaxsga ham tegishli chora ko‘riladi).

Barcha haydovchilardan qoidalarga rioya qilishlarini so‘raymiz.