2022-yil 15-fevral kuni soat 09:30 larda, Qashqadaryo viloyati, Yakkabogʻ tumani, Amir Temur koʻchasida xizmat olib borayotgan YPX xodimi B.Karimov tomonidan “Nexia-3” rusumli avtomobil haydovchisi xavfsizlik kamaridan foydalanmaganligi uchun unga toʻxtash ishorasi koʻrsatilgan. Haydovchi ishoraga boʻysunmasdan harakatda davom etgan. Koʻrilgan choralar natijasida haydovchi toʻxtatilgan. YPX xodimlari tomonidan qoidabuzarligi boʻyicha tushuntirishlar berilishiga qaramasdan haydovchi inspektorlarga faol qarshilik koʻrsatib atrofdagilarning ham eʼtiborini mazkur vaziyatga jalb etgan. Jarayon davomida atrofda boʻlgan ayrim fuqarolar YPX xodimlarining oʻz xizmat faoliyatini bajarishiga halaqit bergan.

Haydovchiga nisbatan YPX xodimlari tomonidan Oʻzbekiston Respublikasi Maʼmuriy javobgarlik toʻgʻrisidagi Kodeksning 125-moddasi 1-qismi, 194- hamda 195-moddalari tartibida maʼmuriy bayonnoma rasmiylashtirilgan. Shuningdek, atrofda boʻlgan, xodimlarning oʻz xizmat faoliyatini bajarishiga halaqit bergan fuqarolar yuzasidan ham surishtiruv olib borilib, toʻplangan hujjatlar oʻrganib chiqishlik uchun Jinoyat ishlari boʻyicha Yakkabogʻ tumani sudiga yuborilishi choralari koʻrilmoqda.