Ijtimoiy tarmoqda «Bu nimasi endi? 120 metr masofada 20 ta belgi o‘rnatishibdi» sarlavhasi ostidagi video tarqaldi. Videoda Chinoz tumanidagi ichki yo‘lda 5.16.1, 5.16.2. «Piyodalar o‘tish joyi» belgilari juda qisqa masofalarda, belgilanmagan joylarga, noto‘g‘ri o‘rnatilganligi aks etgan.

Mazkur yo‘l qurilishi davomida belgilarni o‘rnatish ishlari Toshkent viloyati IIBB YHXB mas’ullari bilan kelishilmaganligi, buning natijasida belgilar noto‘g‘ri o‘rnatilganligi ma’lum bo‘ldi. Ushbu xatolik bartaraf etilib, amaldagi tartibga ko‘ra yo‘lni belgi va chiziqlar bilan jihozlash ishlari amalga oshirilmoqda.