O‘zbekiston Respublikasi Vazirlar Mahkamasining 2020-yil 24-iyundagi “Huquqbuzarliklarning oldini olishda zamonaviy axborot-kommunikatsiya texnologiyalaridan keng foydalanish bo‘yicha qo‘shimcha chora tadbirlar to‘g‘risida” 407-son Qarorida ma’muriy huquqbuzarliklar to‘g‘risidagi yagona elektron ish yuritish doirasidagi “E-ma’muriy ish”-yagona axborot tizimi 2021-yil noyabr oyida respublikaning barcha hududlarida to‘liq ishga tushirilishi belgilangan. Qarorning ijrosi yuzasidan, Ichki ishlar vazirligi tomonidan joriy yilning 26-aprel kuni “E-ma’muriy ish”-yagona axborot tizimi yaratilib, tizimga barcha huquqni muhofaza qiluvchi organlar va boshqa ma’muriy huquqbuzarlikdar to‘g‘risidagi ishlarni ko‘rib chiqishga vakolatiga ega bo‘lgan 50 ortiq vazirlik va idoralar ulangan.

Axborot tizimi “Elektron hukumat”ning “Yagona billing” tizimiga bog‘lanib, Oliy sudning “E-XSUD” va Bosh prokuratura huzuridagi Majburiy ijro byurosining “MIB portal” axborot tizimlari bilan integratsiya qilinib, respublikamizning barcha hududlarida ishga tushirilgan. “E-ma’muriy ish”- yagona axborot tizimi yangi platformada yaratilgan bo‘lib, ushbu tizimga Yo‘l harakati xavfsizligi sohasida foydalanib kelinayotgan “Ma’muriy amaliyot”, “dyhxx. ejarima.uz”, “e-protokol”, “Yo‘l harakati sohasidagi qoidabuzarliklarni avtomatik qayd etish” (KSUBDD) kabi tizimlarni integratsiya qilish yuzasidan texnik topshiriqqa asosan, joriy yilning noyabr oyida ishga tushirilishi rejalashtirilganligi sababli, joriy yilning 30-oktabrdan 2-noyabr kuniga qadar ushbu dasturiy ta’minotlar yangi platformada ishga tushirishi munosabati bilan “E-ma’muriy ish” - tizimiga integratsiya qilindi, jarayon davomida texnik nosozliklar yuzaga keldi.

Ushbu tizim ishga tushirilishi natijasida, ma’muriy bayonnoma raqami bo‘yicha fuqaro jarimasini “Click” hamda “Payme” zamonaviy to‘lov tizimlari yordamida to‘lanishi amalga oshiriladi.

Shu bilan birga, fuqarolarga qo‘shimcha qulayliklar yaratish maqsadida, SMS xabarnoma yoki “O‘zbekiston pochtasi” AJ orqali xabardor qilish mexanizmi ishlab chiqilib, amaliyotga joriy etiladi.

Ichki ishlar vazirligi Yo‘l harakati xavfsizligi Bosh boshqarmasi fuqarolardan ma’muriy xuquqbuzarliklar uchun jarimalarni onlayn to‘lanishida yuzaga kelgan noqulayliklarni to‘g‘ri qabul qilishlarini so‘raydi!

O‘zbekiston Respublikasi IIV YHXBB Axborot xizmati