Joriy yilning 15-avgust kuni soat 03:30 larda, Navoiy viloyati, Karmana tumani hududida joylashgan "Samarqand" muntazam YPX maskanida xizmat olib borgan YPX xodimi A.Umedov tomonidan "Toyota" rusumli avtomobil haydovchisi to‘xtatilgan. Tekshiruv davomida YPX xodimi planshet qurilmasiga avtomobilning ma’lumotlarini kiritganda yon oynalari tusi qoraytirilganligi bo‘yicha ruxsatnoma haqida ma’lumot chiqmaganligini haydovchiga ma’lum qilgan. Haydovchi o‘z e’tirozlarini bildirgan. Ruxsatnomasi borligini, lekin ko‘rsatmasligini, planshet qurilmasi orqali tekshirib olishi mumkinligini aytgan. Shundan so‘ng, YPX xodimi qog‘oz shaklidagi ma’muriy bayonnomani to‘ldirishni boshlagan vaqtda haydovchi avtomobili yon oynalarining tusi qoraytirilishi uchun berilgan ruxsatnomani ko‘rsatgan. YPX xodimi bayonnomaga shu kungi sanani, hudud nomini va o‘z lavozimi hamda ism-familiyasini kiritganligini aytib, bayonnomani to‘ldirishni to‘xtatgan. Haydovchi o‘z e’tirozlarini bildirib yo‘lida davom etgan.

Mazkur holat yuzasidan Navoiy viloyati IIB YHXB tomonidan surishtiruv olib borilmoqda.