Ijtimoiy tarmoqda "Samarqandda qog‘ozdan alkotester yasagan YPX xodimlari" sarlavhasi ostidagi video tarqaldi. 2021 yil 27-sentabr kuni soat 20:30 larda YPX xodimi S.Sayimov tomonidan "Nexia" rusumli avtomobil haydovchisi to‘xtatilgan. YPX xodimi haydovchining mastlik holati bor yoki yo‘qligini qog‘oz yordamida tekshirib ko‘rmoqchi bo‘lganligi videoda aks etgan.

Hozirda mazkur holat yuzasidan Samarqand viloyati IIB YHXB tomonidan xizmat tekshiruvi o‘tkazilmoqda.

Ma’lumot o‘rnida, haydovchining alkogolli ichimlikdan mastlik holatini tekshirib ko‘rish uchun Samarqand viloyati IIB YHXB xodimlariga jami 17 dona maxsus alkotester moslamalari foydalanishga berilgan.