Joriy yilning 30 iyul kuni ijtimoiy tarmoqda davlat raqam belgilari bo‘lmagan, ruxsat etilmagan moslama o‘rnatilgan "Laсetti" rusumli avtomobillar haydovchilari qo‘pol qoidabuzarliklar bilan harakatlanayotganligi aks etgan video tarqaldi.

Video yuzasidan Toshkent shahar IIBB YHXB xodimlari tomonidan surishtiruv olib borildi. Holat joriy yil 28 iyul kuni soat 14:00 larda Toshkent shahar, Shayxontohur tumani, Nurafshon ko‘chasida sodir bo‘lgan. Qora rangli "Lacetti" avtomobili haydovchisi S.X., oq rangli "Lasetti" avtomobili haydovchisi A.Gʻ. va yana bir qora rangli "Lasetti" avtomobili haydovchisi A.Y. aniqlanib o‘rnatilgan tartibda bayonnoma tuzildi va avtomobillar vaqtincha saqlash uchun jarima maydoniga joylandi.

Barcha haydovchilardan qoidalarga rioya qilishlarini, o‘zi va o‘zgalar hayotini xavf ostiga qo‘ymasliklarini so‘raymiz.