Joriy yilning 1-mart kuni ijtimoiy tarmoqda “Nexia” rusumli avtomobil haydovchisi tomonidan sodir etilgan qoidabuzarlik holati boʻyicha “Cobalt” rusumli avtomobil egasiga nisbatan jarima solish toʻgʻrisidagi qaror chiqarilganligi aks etgan surat va izoh tarqaldi.

Mazkur xabar oʻrganilib, Surxondaryo viloyati IIB JXX YHXB masʼul xodimi tomonidan xatolikka yoʻl qoʻyilgani, yaʼni, 2022-yilning 18-fevral kuni soat 21:20da Surxondaryo viloyati, Denov tumani, M-41 avtomobil yoʻlining 1491-1493-kilometrlari oraligʻida, “Nexia” rusumli, 75B582EA davlat raqam belgili avtomobil haydovchisi 70 km/soat tezlik chegaralangan joyda 98 (98-5=93) km/soat tezlikda harakatlanganligi maxsus moslama yordamida qayd etilgan boʻlib, qayd etish vaqtida avtomatik tarzda 75B582EA davlat raqam belgisidagi “7” raqami “9” boʻlib, 95B582EA tarzida notoʻgʻri qayd etilganligi, masʼul nazoratchi xodimning eʼtiborsizligi sabab, “Cobalt” rusumli, 95B582EA davlat raqam belgili avtomobil mulkdoriga nisbatan jarima solish toʻgʻrisidagi qaror tasdiqlanganligi maʼlum boʻldi.

Ayni vaqtda ushbu qoidabuzarlik yuzasidan “Cobalt” rusumli, 95B582EA davlat raqam belgili avtomobil mulkdoriga nisbatan tasdiqlangan jarima solish toʻgʻrisidagi qaror belgilangan tartibda bekor qilinib, “Nexia” rusumli, 75B582EA davlat raqam belgili avtomobil mulkdoriga nisbatan tasdiqlangan.