2021-yil 30-dekabr kuni soat 10:30 larda Toshkent viloyati, Ohangaron tumani hududidan oʻtuvchi A-373 avtomobil yoʻlining 143-kilometrida YPX xodimi I.Xusanov tomonidan “Lacetti” rusumli avtomobil haydovchisi toʻxtatilgan. Oʻzaro muloqot jarayonida ushbu avtomobil yoʻlovchisi tomonidan, YPX xodimi tibbiy niqob taqmaganligi boʻyicha eʼtiroz bildirilganda, xodim tibbiy niqob taqish majburiyligi bekor qilinganligini taʼkidlab, fuqaroga notoʻgʻri maʼlumot yetkazgan.

Oʻzbekiston Respublikasiga koronavirusning kirib kelishi va tarqalishini oldini olish boʻyicha respublika maxsus komissiyasi tomonidan tibbiy niqobni taqib yurish majburiy emasligi boʻyicha hech qanday qaror eʼlon qilinmagan.

Hozirda YPX xodimi I.Xusanovga nisbatan Toshkent viloyati IIBB tomonidan xizmat tekshiruvi oʻtkazilmoqda.